KYA YEH MERI JINDGANI THI

Main hawa nhi thi, meri to koi zamee bhi nhi thi!
Main sawaal nhi thi, meri to koi hasti hi nahi thi!!
Main to sochti bhi nhi thi, par yeh zindagi ban chali ek paheli thi!
Paheli ko suljhane lagi to ban gayi, woh paheli hi meri saheli thi!!
Is saheli ko samjhne lagi to khud main, ban gayi bheed me bhi akeli thi!
Main to chal rhi thi tufano me fir bhi, mere jesi koi hulchul tufani nhi thi!!
Sabse jhunjhkar ya sabse harkar aage bdne ki to kisi me nishani hi nhi thi!
Lekin me to ban kar waqt beh rahi thi, jiskin kahin par koi manzil hi nhi thi!!
Raaste kya the kya thi manzil, kya kehta tha mera bechain sa dil!
Sabke paas to kehne ko kuch tha, mere paas to meri hi kahani nhi thi!!
Manzil-manzil bhatakte hue khud ko khudse juda krte hue,
Sawalo me jawabo ko dhundkar khud hi sawal bante hue!
Raat ke andhere me ujaala failane wala diya bankar,
Ya us diye ko khud hi bujha kar sabke liye andhera bankar!
Subah ki kiran ho pehli ya koi oas ki woh bunde-si bankar,
thand ka jesa thanda sparsh bankar ya fir suraj ki garmi bankar!!
Un sabme koi aasani ho ya aa ragu thi chahe kitni hi mushqile,
Ya bankar ek pehli ban bada rhi thi khud ki hi uljhane!!
Main to sochkar bhi apni hi soch ko sochne se darne lagi thi!
Mujhe me khud hi nhi thi dusro ke liye, kaise main khushi ban saki thi!!
Khayalo ke ghane se baadal the, aur the woh bheegte hue pal!
Baadalo ki gadgadahat thi aur usme sehmate hue se the thal!!
Banjar si zamee hoti to bhi zindagi ko jeene me mujhe aasaani hoti!
Main kya kahu kehti to jab jab meri koi zindgani ya kahaani hoti!!
Nahi jaankar khudko, mujhme to kaid the bas arzuao ke pankh!
pankh lagakar bhi kya milega, ek din kat jayegi woh bhi patang!
Patang banti to kya nibha pati jiski dor mujhe nibhani thi!
Kachhe dhago se bhi kachhe sapno ki hi to bus pareshani thi!!
Bharosa kiya kabhi kisi aur pr, to mila mujhe ek sabab wahi!
Zindagi me rehna hain akele, to sehna pdega sab kuch khud hi!
Kehne ko kuch hota to keh bhi deti, kehne ko to puri nadani thi!
Main chup hu yehi sochkar ki, kehne me hi to meri pareshani thi!!