KYUN HAIN???

Kaisi raahein? Anjaan raastein,
Zindagi ke sath hain jane kon sa dard!
Jane Kiska khwaab aankhon me sajega ,
Aur na us sachhai ko kabhi jaankar!!
Kahaan chal padi hain zindagi ki raahein,
Thaamna chahti hain shayad khushiyon ki baahein!
Un khushiyon ko thamne se hi use yeh dar kyun hain??
Dard se gehra rishta hi raha hain hamesha,
To fir kuch khushiyon ko khone ka dar kyun hain??

Yeh hawayein le jayengi jane use kahaa,
Use manzil tak pahucha to rahi hain!
Manzil khud usne tay to ki hain,
Raaste usne apne khud chune hain,
To fir un kaanto se chhalne ka dar kyun hain??
Woh har pal apne mazil ke aur kareeb hain,
To fir woh apni sachhai se bekhabar kyun hain??
Kabhi kisi ne usse nhi pucha ki uski raza kya hain,
Fir bhi sabke liye uski nazar me yeh fikar kyun hain??
Uski marzi kya thi use na jaankar apne faisle sunaye,
sabne bebaki se keh dil apne dil har ek baat!
Fir us par jo beeta har lamha woh jaankar,
Sabki aankhein uske dard ke liye yu num kyun hain??
Agar use is kyun ka jawab mil jaye kahin par,
To shayad uski yeh jindagi aasan ho jaye!
Yeh shayad kabhi mumkin ho nhi sakta hain,
Uski nigaahe yeh jaanne ko bechain harpal kyun hain??

KAHU KUCH YA RAHU CHUP?

Bahut kuch kehna hain aaj,
Bahut kuch samajhna hain aaj!
TEri khushi ke liye tujhse dur jakar,
Khud hi girkal sambhalna hain aaj!
Bahut se saawal the dil me,
Shayd ban kr reh gaye ek band kitaab!
Rokna to chahti thi kuch na ho aisa,
Lekin kabhi -2 milta nhi jeevan behisaab!
Main kehte kehte chup ho jau,
Ya kehkar ek veerane me gum!
Main aise hi dur chale jau,
Ya ban jau kisi roshni ki sargam!
Kaise batlau tujhe ki chup rehne me,
Khud ko khamosh rakhne me jo saza hain!
Khud ko pal pal apne hi hatho se,
Apni jindagi tabah krne ki inteha hain!
Ha hain dard aaj itna ki dil me ki,
khud se har jee rahi thi ek sapna ki!
Woh tuta hua sapna fir se tut gaya,
Aur mere hath me fir se andhera hi reh gaya!
Aaj meri khamoshi sirf mujhe saza deti hain,
Dua krti hu ki yeh khamoshi tujhe saza na de!
Main chahti hu aaj itna likhna ki kal se fir,
Mere andar ki awaaz mujhe fir se daga na de!
Agar main ban gayi mom aaj ke bad bhi,
Yeh mat samajhna ki thodi si roshni se pighal jaungi!
Main to bani thi mom ki hi gudiya-si sabke liye,
Khud ko sametne me hi puri ki puri deh jaungi!!
Main shayad bin kahe sab kuch kehkkar,
Aaj hamesha ke liye chup ho jaungi!
Main to wahi thi hamesha lekin aaj,
Shayad khud se khudko juda kr jaungi!
Yeh alvida shyad de de sabko khushi,
Par ab na paegi mere chehre pr kabhi hasi!
Bas khud ke liye sirf ek akhiri tamanna hain,
Koshish na krna kabhi lautane ki meri hasi!
Kyunki jis din woh hasi laut aayi,
Us din fir main tut jane se darungi!
Aaj sirf bhagti hu khudki khushiyon se,
Us din to neele aakash se bhi bhagungi!
To fir koshish na krna kabhi mere liye kuch,
Main reh lungi zinda hi to rakhna hain khudko!
Awaz aane par kisi ki shayad hulchul na kru,
Samet lungi ek ankahe andhere me khudko!!