Tera Pyaar Baarish Jaisa

Tera pyaar baarish jaisa......
thoda mujhe bhiga jaata hai, thoda mujhe rula jata hai...

Teri baatein bhi baarish jaisi......
kabhi toh fuhaar hai, aur kabhi sirf takrar hai.....

Tera deedar bhi baarish jaisa.....
kabhi ek din me kai baar aur kabhi har pal tera intezaar...

Tere saath bhi baarish jaisa....
kabhi toh indradhanush aur kabhi sirf dhund hi dhund hai...

Yeh baarishen mere liye hai aur main bus tere liye...

Khalipan.......

Jab bhi tujhe socha karti thi, ek saahil sa gujarata tha..
Aaj tujhe sochkar sirf khalipan sa bharta hai.......
Yeh mehsus hota hai ki mera kuch piche chhut gaya..
Par in saanson se, na mere jajbaaton se tera koi rishta hai......

             Jab bhi tujhe dekhti thi, ek manzar in aankhon me basta tha..
            Aaj wahi nazarein milne par ek sunapan sa khalta hai.....
            Jab bhi tujhse dur hoti thi, dil seham sa jata tha....
            Aaj tujhse bichadne par bhi yeh dil roz dhadakta hai.....

Jab bhi tujhe chot deti thi, mera dil jhakhmi ho jata tha..
Aaj tujhe ghayal dekhkar yeh dil na koi dard samajhta hai...
Yeh maalum pdhta hai ki dil mera ab banjar ho gaya..
Aur tera aansu dekhkar bi na mera dil pighalta hai..

          Meri khamoshi ya meri khushi ki na koi pehli samjhta hai..
          Lab ke muskurane par khuda bhi mere sath me hasta hai..

Maine jab bhi muskuraya.......

Maine jab bhi muskuraya,
meri hasi me mujhe tu yaad aaya!
Maine jab bhi khud ko akela paya,
Tanhai me mujhe tu yaad aaya!!

Maine jab bhi khwabo ko sajaya,
har umeed me tujhe hi paya!
Maine jab aaine me khud ko dekha,
mere aks me bhi mila tera saaya!!

Maine jab bhi dil ko dhadakta paya,
har dhadkan me bhi tera naam aaya!!!!

Ek Bachpan

Ek nanhi si hasi aksar yeh mujhse sawal karti hai,

Jo kuch bhi usko mila kya wahi uska naseeb hai !

Ek bachpan rota hai andhere mein, gumnami mein,

Fir bhi uski hasi me khushi baatne ki tarkeeb hai !

Toh fir sab kuch humare paas hote hue bhi, 

Hum bade khush kyun nhi reh pate hai !

Ek khwahish jo humari adhuri rahe,

Uske liye hum duniya ko doshi thehrate hai !

Ek bachpan jise kabhi ma ka pyaar nhi mila,

Woh bachpan sabme apni ma ko dekh leta hai !

Aur hum apni hi ma ko pyar jatane me, 

Use pyar ka ehsas dilane me hichkichate hai !

Yeh kaisi duniya hai, 

Jisme kahin koi bachpan rota hai,

Aur koi aangan suna hai !

Kyun us bachhe ko koi apnaata nahi,

Jise duniya ne thukraya hai !

Woh masum si nazarein jab hume,

Badi umeedon se dekha krti hai !

Aur hum kitni aasani se un nazron ko,

Dekhar bhi undekha sa kr dete hai!

Sochkar ki use jeene ka haq nahi, 

Uski jindagi ka faisla kr lete hai !

Yeh kaisi duniya hai,

Jaha ek bachpan toh rota hai !

Aur ek bachpan khush hota hai !

Kyun sabko ek jaisa bachpan nhi de pate hum !

Har nanhi khwahishon ko pura nhi kr pate hum !

Yeh kaisi bebasi hai,

Jaha ek duniya me do duniya basti hai !

Ek duniya me Jhoota Aham, Jhoota Pyar,

Aur ek duniya sacchi par jhutlai si !

Ek duniya me ek insan ke hazaron sapne,

Aur ek duniya me har ek nazar dhundlai si !

Ek duniya ke Jhoote Aansu, uska Jhootha Sath,

Aur ek duniya me har sacchi muskan ghabrai si !

Yeh kaisi farebi duniya hai,

Jisme bachpan ko bhi baanta jata hai !

Har ek bachhe ko apnaya nhi jata hai !

 Yeh kaisi duniya hai, 

Jaha ek bachpan rota hai !

Aur uske aansu se koi aur sapne sanjota hai !

Agar dur jane ka dil kare.......

Agar dur jane ka dil kare toh mujhe bus ishara krke bata dena,

tere shabdon ke teer ko main seh nhi paungi!

Agar baat na karne ka dil kare kabhi toh mere samne mat aana,

teri khamoshiyon me main simat ke reh jaungi!

Agar mushqil koi aa jaye tere aage toh usse ghabra mat jana,

bharosa rakhna khudpe main teri haar ko jeet banaungi!

Agar khafa hona ho mujhse toh mujhse rooth kar mat jana,

teri har narazagi ko main tujhse churakar le jaungi!

Agar tamanna koi aarzon ho dil me toh unko mujhse mat chhipana,

bus ek bar zahir kr dena mujhpar use pura krte jaungi!

Agar geet rachne ka dil kare use bina ruh ke suro me mat sajana,

tere har geet ko mehsus kr ruh se main gungunaungi!

Agar pyar tu ab na kare toh meri khushi ke liye mujhe pyar mat dena

tere us balidaan ki keemat main kaise chuka paungi!

Agar hath thamne ka dil kare kisi aur ka toh befikri se tham lena

tere pyar ko bina shikvo-shikayton ke tujhse milwaungi!

Agar khudse nazarein churane lage tu, toh mujhse nazarein mat churana

meri nazaron se dekhna khudko,har sharmindagi ko apna banaungi!

Agar andhere me tu khud ko kho dene lage toh andhere se mat darna

tere liye roshni ke diye main har baar jalate jaungi!

Agar laut ke aane ka dil kare toh mujhe pukar ke yaad mat krte jana,

mere pas chale aana tera intezar hamesha hi krte jaungi!

Agar zindagi ke maud par tanha ho jaye toh khud ko akela mat samjhna

tere sath hamesha diya hai aur hamesha sath nibhaungi!

Agar sapne pura karne se dar lage toh sapno ko dekhna mat chhodna,

tere saare sapno ko main apne sapne banate jaungi!

Agar ucha udne ka dil kare toh uchhaiyon se kabhi mat darna,

udano ko pankh de dena tujhe udhna main sikhaungi!

Jab bhi tu yaad aata hai........

Jab bhi woh pal yaad aatein hai,

Tu bahut yaad aata hai, har pal tujhe yaadon me satate rehne ko dil chahta hai!

Jab bhi tera muskurana yaad aata hai,

Ek pal toh muskana achha lgta hai aur ek pal me aasuon se dosti krne ko dil chahta hai!

Jab bhi tera gungunana yaad aata hai,

Ek pal toh geet ache lgte hai aur ek pal me khamoshi se dosti krne ko dil chahta hai!

Jab bhi tera ladna jhagdna yaad aata hai,

Ek pal toh gussa krna achha lgta hai aur ek pal me shor hi shor suani de dil chahta hai!

Jab bhi tera paas rehna yaad aata hai,

Ek pal toh logon se muhabbat ho jati hai aur ek pal me tanha rehne ko dil chahta hai!

Jab bhi tera deedar hona yaad aata hai,

Ek pal toh nazarein tujhpar tham si jati hai aur ek pal me nazarein churane ko dil chahta hai!

Jab bhi tera ruthkar man jana yaad aata ha,

Ek pal toh nakhre karna achha lgta hai aur ek pal me khafa ho jane ko dil chahta hai!

Jab bhi tera khwabon me milna yaad aata hai,

Ek pal toh neendein acchi lgti hai aur ek pal sirf jaagte rehnko ko dil chahta hai!

Jab bhi tera intezaar krna yaad aata hai,

Ek pal toh intezar krwana achha lgta hai aur ek pal me waqt se pahuchne ko dil chahta hai!

Jab bhi kabhi tu yaad aata hai....

Tu bahut yaad aata hai....

Tujhe khuda se chheen laane ko dil chahta hai

Tujhe sabse chura ke paas rakhne ko dil chahta hai

Jab bhi tu yaad aata hai......

Tu bahut yaad hai......

Sirf tu hi tu yaad aata hai.......yaad aata hai.....yaad aata hai....

Khwahishe kuch nayi si, Arzue kuch ankaheen si.

kuch khwahishe aaj main kar lu,
kuch dairo se aaj bahar nikal lu.
kuch khwab main bhi saja lu,
kyun na tujhe aaj palakon par baitha lu.
ek hasi tere hothon ki, ek hasi mere hothon ki,
kyun na humari ek muskaan aaj main kr du.
ek bar haath tera tham ke ,

ek bar tere kaandhe par sir rakh ke,
kyun na ek raat ek jindagi aaj main bita du.
kyun na tujhko main apni baahon me bhar lu,
kyun na aaj tujhko main apna sa hi kar du.
ek bhi shikan tere chehre par jo dikhe,
ek bhi bal tere maathe par jo aaye,
kyun na aaj use me rafaa main kar du,
kyun na aaj use daga main hi de du.
aankhon me teri dekh kar ke main aaj,
meri jindagi me roshni hi roshini kar du.
tere aasuo ko pee ke main aaj,
mere liye amrit jal sa pawan kr du.
aaj fir se sham aa gayi hai,
tujhe chahne ki raat aa gayi hai.
kyun na aaj mujhme teri in,

dabi si in khwahishon ka ghar du.
kyun na aaj is chahat ko,
humari chahaton ki hadd kar du.
fir mauka milega ki nhi kabhi,
kyun na aaj hi main teri ho jau,
aur kyun na tujhe mera hi mera kr du.